Jondal sokneråd bles liv igjen i ein fin tradisjon med jubileumsfeiring for 50års konfirmantane. Og 20.oktober 2024 inviterte dei kulla frå både 1969, 1970, 1971, 1972, 1973 og 1974 for å kome i rute igjen med jubileuma.
"Jondal sokneråd har i haust arbeidd med å ta opp att tradisjonen med jubileumsfeiring for 50års konfirmantane i regi av Jondal kyrkje. Slikt jubileum har av ulike grunnar ikkje blitt arrangert av kyrkja på fleire år. Soknerådet valde å senda ut invitasjon til 6 årskull, på ein måte eit «oppsamlingsheat» for dei som vart konfirmerte i perioden 1969 til 1974. Av 98 inviterte stilte 34 til gudstenesta i kyrkja 20.10.2024, ei kyrkje som nesten var full i og med at det same helga vart arrangert «Lys vaken», hausttakkefest og tre barnedåpar.
Etter gudstenesta var det kyrkjekaffi på Jonsvoll (Jondal ungdomshus) for jubilantane.
Vidare framover planlegg soknerådet å ha dette som ein årleg tradisjon for dei som har 50års jubileum."
Helsing Jondal sokneråd v/Trygve Baggegård Myrlid
*************
Frå hausten 2025 er Jondal sokn slik i rute igjen med vanleg jubileumsfeiring.
Stor takk til alle dykk som møtte på kofirmantjubiléet 20/10-24 og deltok på hausttakkefesten i Jondal kyrkje og på festsamlinga på Jonsvoll etterpå. Og stor takk til Jondal sokneråd ved fungerande leiar og eldsjel Trygve Baggegård Myrlid for at de har teke opp att tradisjonen med konfirmantjubileum.
Og så håper vi de som er 50-årsjubilantar i 2025, altså de som var konfirmantkull i 1975, set av tid til å koma på konfirmantjubiléet då. Jubiléet i 2025 vert lagt til ei helg medio september, ikkje datofesta enno, men samanfallande med den helga det vert konfirmantpresentasjon av 2026-kullet.
Hjarteleg velkomne.